Ашахан Юсупов

Автор Ашахан Юсупов

• 08 сентября 2015

  «Дун дирго векалъул хIикмат вукIина, хIалихьалъиялда данде вагъулев»

  Микьабилеб сентябралда МахIачхъалялда кIодо гьабуна кIудияв шагIир, ХIамзатил Расул гьавуралдаса 92 сон тIубай. Юбилеялъул тадбиразда гIахьаллъи гьабизе Дагъистаналде рачIун руго Россиялъул батIи-батIиял шагьараздаса 25 чи.

• 07 сентября 2015

  Лъилалиго хьулал сабаблъун сахаб мина биххизабизехъин рагIула

  МахIачхъалаялда чанго хъизамаз гIумру гьабулеб мина гъорлъе бачун буго жанир рукIине хIинкъи бугеб минабазул программаялде гъорлъе ва гьениса гIадамал нахъе гочинаризехъин руго тахшагьаралъул нухмалъиялъ. Амма гьенир гIумру гьабулел гIадамал дандечIун руго гьелда. Щай?

• 03 сентября 2015

  Пишацоясул намус басра гьабурал полициялъулал хIалтIудаса рахъана

  МахIачхъалаялда, гIадамал чвердолеб бакIалда хъублъи гьабун батарав Чачан республикаялъул къуваталъул идараялъул хIалтIухъан видеокамераялде вахъарал Дагъистаналъул кIиго полициялъул хIалтIухъан хъулухъалдаса эркен гьаризе хIукму гьабуна кIиабилеб сентябралда.

• 02 сентября 2015

  "ЦIале, цIале, дир цIодор"

  ТIоцебсеб сентябралъ Россиялъул школаз жидерго нуцIби рагьана аза-азар цIияв цIалдохъанасе. Дагъистаналда исана тIоцебесеб классалде ине вуго 45 азарго чи. Араб соналде дандеккун гьеб тарих цIикIкIун буго 10 азарго гIан чияс. Амма республикаялда гIемер руго лъимал цIализе къабул гьаризе киналго шартIал гьечIел, риххун иналде ккарал гIемерал школалги.

• 20 августа 2015

  "РекIел ахIиялъул" тIоцебесеб гьаракь

  Гьал къоязда Грозныялъул кинотеатразда бихьизабуна чачан мацIалда бахъараб фильм. Гьелъул авторазул рагIабазда рекъон, гьеб буго чачаназул тIоцебесеб кино, амма кинокритикал гьеб пикруялда разиял гьечIо. Щай гьеб фильмалда сверун ахIи-хIур бахъараб ва сундул гьениб бицунеб бугеб? Эркенлъи Радиоялъе гьелъул баян кьуна чачан хъулухъалъул мухбир СултIанов АхIмадица.

• 18 августа 2015

  Щай рикIкIунеб дир боцIи-панз?

  Россиялъул хIукуматалъул бетIер Дмитрий Медведевасда лъикIаблъун бихьулеб буго гIадамаз жидерго хасаб магIишаталда хьихьун бугеб боцIи-панзалъул къадар дагьлъизабизе. Гьединаб тIадкъай гьес кьун буго улкаялъул росдал магIишаталъул министр А.Ткачевасе. Лъалеб гьечIо гьеб суал фермеразул магIишаталда хъинтIизе бугебищали. Гьединал тадбирал тIоритIулеб бакIалда жакъа феремеразул ругел проблемаби рагIалде рахъинаризе квербакъани лъикIаб букIинин хIукуматалъейин рикIкIунеб буго Дагъистаналъул фемеразул ассоциациялъул нухмалъулев ГI. Гiабуриковас.

• 14 августа 2015

  Санкциялъул нигIматал Дагъистаналдаги хвезаризе руго

  Европаялдаса рачIунел кванил нигIматазе Россиялъ гьукъа-къай лъазабуниги кингоги гьел Россиялде рачIин гьоркьоб къотIун гьечIо. Гьелда бан Россиялъул тIалъиялъ хIукму гьабуна гьукъарал кванил нигIматал гIорхъодаго ккун тIагIинаризе. Официалиял баяназда рекъон гьанжеялдаго тIагIинабун буго бащдаб миллион гIанасеб тонна гьукъарал нигIматазул. Гьанже гьел нигIматал тIагIинарулел хасал бакIал хIадуризе ругин Дагъистаналдагиян лъазабуна республикаялъул ХIукуматалъул нухмалъулев хисулев Шарип Шариповас. Кинаб бугеб гьелда тIасан гIадатиял дагъистаниязул пикруяли цIех-рех гьабуна нижеца.

• 12 августа 2015

  К.Кубасаев: «ГIадамал гIарзалъ рачIин буго нижер бищун кIудияб мурад»

  11 августалда монополиялда дандечIараб хъулухъалъул Дагъистаналда бугеб бутIаялъул нухмалъулес журналистал ракIарун рукIана араб бащдаб лъагIалида жаниб гьеб идараялъул гьабураб хIалтIул бицине. Къурбан Кубасаевас рази гьечIолъи загьир гьабуна жидер идараялъ гьабураб хIалтIул Дагъистаналъул прессаялъ лъикIалан бицунеб гьечIилан.

• 10 августа 2015

  Гендерил парсахъ аскарияз кьвагьи лъун буго

  10 августалда Унсоколо мухъалда нахъойги контртерроралъулаб режим лъазабун буго. Гьелъул хIасилалда гендерил тоннелалъусан унеб нухги къан буго.Аскарияз гендерил парсазухъ ралагьулел руго изну гьечIого яргъид гIуцIаразул къукъаби. Хасаб операция кида рагIалде бахъунеб ва тоннелалъусан автомобилал кида хьвадизе риччазе ругелали лъицаниги баян гьабулеб гьечIо.

• 08 августа 2015

  Дагъистанияй боксалъул чемпион

  Дагъистаналъул Хунзахъ мухъалдаса СагIадат ГIабдулаева гьал къоязда яхъана ТIологороссиялъулал боксалъул къецазул чемпионлъун. Гьеб ккола гьелъул лъабабилеб бергьенлъи. 2012 соналдаса нахъе СагIадат гIумру гьабун йиго Москваялда, гьенийго хьвадула боксалъул школалдеги. Гьелъул бищун кIудияб мурад буго 2016 соналъ Рио Де Жанейро шагьаралда тIоритIизе ругел Олимпиялъул хIаязда гIахьаллъизе. Гьеб киналъулго хIакъалъулъ гьелъ гIатIидго бицунеб буго нижергун гара-чIвариялда.

• 05 августа 2015

  Индиялдаса студентасул жаназа ватIаналде битIизе гIарац бакIарулеб буго

  Дагъистаналъул медакадемиялъ инкар гьабуна ункъабилеб августалда хварав, гьеб цIалул идараялъул студентасул жаназа ватIаналде битIизе кумек гьабизе. Индиялдаса Пушкар Гурав хун вуго рекIел унтиги бачIун. Гьанже гьесул лъалел хъвалез гIарац бакIарулеб буго гьев вукъизе жиндирго ватIаналде витIизе.

• 04 августа 2015

  Ток гьечIого хутIараз шагьранух къан букIана

  Полициялъул хIалтIухъабаз нахъе гъуна ункъабилеб августалда къватIире рахъун рукIарал МахIачахъалаялда гIумру гьабун ругел гIадамал. Щуго къоялъ канлъиги гьечIого хутIарал гьез къан букIана тахшагьаралъул Ярагъиясул цIаралда бугеб къватI. МахIачхъалаялъул администрациялъ гьезие рагIи кьуна къасиялде канлъи букIине бугилан.

• 01 августа 2015

  Дагъистаналдаса экс-депутатасе 16 сон кьуна

  Дагъистаналъул Халкъияв Мажлисалъул вукIарав депутат МухIамад МухIамадовасе хIукму къотIана Дагъистаналъул ТIадегIанаб диванханаялъ. Гьесие кьуна 16 сон. Гьесде гIунтIизабулеб букIана терроралъулаб къукъа гIуцIиялъул гIайиб. МухIамад МухIамадовасул эмен АхIмад МухIамадов рази гьечIо васасе диваналъ къотIараб хIукмуялда.

• 14 июля 2015

  ЛъикIлъи гьабулаго щвараб тамихI

  Хасавюрт шагьаралда кванил нигIматал ричулеб тукада жанире кIанцIун, гьениб бичулеб гIаракъи минатахъ щущазабун буго цо чанго гIолилаз. Гьелъие гIиллалъун гьез бихьизабулеб буго Рамазан моцIалъ гьеб тукада хIарамаб жо бичулеб букIанилан. Гьел жеги кквезе щун гьечIо. Дагъистаналъул жанисел ишазул идараялъ лъазабулеб буго гьел щалали чIезабун бугилан.

• 13 июля 2015

  КIалбиччанкъоялде шагьаранух къачIалеб буго

  ЧIалдаса Къороде бугеб шагьранух цIигьабун къачIаялъул хIалтIаби байбихьана араб рузман къоялъ. Дагъистаналъул нухазулгун транспорталъул агентствоялъ лъазабуна кIалбиччанкъоялде мугIрузул мухъазде унел гIадамал хьвадизе рес кьолеб хIалалъ нух къачIазе бугилан. Шагьранухда хIалтIулеб буго 20 батIияб техника.

• 09 июля 2015

  Абусупьян Хархаровасде хурхун унеб буго цIех-рехх

  Дагъистаналъул вукIарав вице-премьер, гьединго МахIачхъалаялъул дармил порталъул вукIарав нухмалъулев Абусупьян Хархаровасда тIад кватIичIого диваналъул процесс байбихьизе бугилан абураб баян кьуна, Шималияб Кавказалда бугеб Россиялъул цIех-рехалъул комитеталъул бутIаялъ. Хархаровасде гIайиб гIунтIизабулеб буго МахIачхъалаялъул порталъул нухмалъулевлъун вукIаго гьес лъабго гама бикъун бугилан абураб гIайиб.

• 03 июля 2015

  Санкциял сабаблъун бечелъизе кIвеладай Дагъистаналда?

  Европаялдаса рачIунел кванил нигIматазе лъазабураб гьукъа-къай жеги цо лъагIелалъги халат гьабизе хIукму гьабуна Россиялъ. Гьелда бан Дагъистаналъул ресал цIикIкIанин жиндирго экономикаги бечед гьабизе, кванил нигIматазул къадарги цIикIкIинабизеян абулеб буго Россиялъул хIукуматалъул нухмалъулес. Гьел ресал кидаго рукIанин Дагъистаналъул, амма хIукуматалъ кверчIвалеб гьечIин гьел цIеретIеялъеян абулеб буго росдал магIишаталъул церехъабаз.

• 29 июня 2015

  Дагъистаналъул гимналда сверухъ цIияб дагIба

  Дагъистаналдаса чанго чияс гIарза хъван буго республикаялъул ТIадегIанаб диванханаялде. Гьеб гIарзаялда гьез абулеб буго жал рази гьечIин Ширвани Чалаевас республикаялъул гимналъе хъвараб макъанги какун, гьеб нахъе бахъеян республикаялъул нухмалъулев Р. ГIабдулатIиповас кьураб тIадкъаялда. Юристаз гьезул рахъкколеб буго, бакънал хъвалел чагIазул пикруйин абуни батIияб буго гьелда тIасан.

• 25 июня 2015

  Гьарзаяб бачIин: рохиялъейищ яги къварилъиялъейищ?

  Дагъистаналъул мугIрузул мухъазда байбихьана ахбазан бакIариялъул сезон. Исана барщараб пихъ гIемераб букIиналъ гьелъул цIакъ кIудияб къадар бакIаризе ракIалда буго пихъ гIезабулезда. Амма гьелдаго гьоркьор квал-квалалги камулел гьечIин абулеб буго гьез. Кинал захIмалъабигун дандчIвалел ругел Дагъистаналъул пихъ гIезабулел чагIиян цIех-рех гьабуна нижер мухбирас.

• 25 июня 2015

  Холера! ЦIодорго рукIа!

  «Роспотребнадзоралъ» ахIи балеб буго тахшагьаралъул пляжазда холера унтиялъул бактериял цIикIкIунел ругилан. Гьелъие гIиллалъун гьез бихьизабулеб буго МахIачхъалаялдаса Каспий ралъдалъе жанибе чвахулеб бугеб чорокаб лъим. Рехсараб идараялъ 2013 соналъго диванханаялде хъван букIун буго гьеб киналъулго, амма гьелъул хIасил ккун гьечIо.

Загрузить еще