Зульфия ХIажиева

26 марта 2015

Щай нусго полициялъулав хIалтIудаса махIрум гьавурав?

26 марталда МахIачхъалаялда тIобитIараб Халкъияб Мажлисалъул сессиялда депутатаз цIакъго кIвар буссинабуна жанисел ишазул министрас гьабураб кIалъаялде.

25 марта 2015

С.Ниналалов: "90-лел соназда гIадаб хIакъикъат загьирлъулеб буго"

Лезгиязул «Садвал» абураб миллияб багъа-бачариялъул хIаракатчи Руслан МухIамадрахIимов жиндирго хвелалъ хванин абураб пикру загьир гьабуна 25 марталда ЦIех-рехалъул комитеталъул пресс-секретарь Расул Темирбековас журналистазе. Щайин абуни цебе-цебеги рекIел иш лъикI букIун гьечIила гьесул. Гьединго ругила къотIносан унаго гьев гIодов кколев вихьарал чагIиги.

25 марта 2015

Щай дагъистанизул цоязе гьедигIан хирияв вугев Сталин?

КIудияб ВатIанияб рагъда бергьенлъи босун 70 сон тIубаялде Россиялъул шагьаразда Иосиф Сталиние монументал лъезе кколин рахъ-рахъалде кагътал хъвалел руго коммунистаз. Гьединал энтузиастал руго Дагъситаналдаги. Амма Дагогни шагьаралъул нухмалъиялъ инкар гьабун буго гьединаб монумент лъезе.

Руслан МухIамадрахIимов Азербайджаналъул вукIарав президент ХIайдар ГIалиевасул цIар Дербанталъул аслияб къватIалъе кьеялде данде пикеталда.

24 марта 2015

Лезгиязул жамагIатчи хвана Каспийскалда

24 марталда гIумруялдаса ватIалъана лезги миллаталъул жамгIияв хIаракатчи Руслан МухIамадрахIимов.

24 марта 2015

Щай Дагъистаналда хадур-цере банкал къалел ругел?

Россиялъул Центробанкалъ лицензия нахъе босана Дагъистаналъул цойги банкалъухъа. Гьелъие гIиллалъун кканин гьеб банкалъ гIарац тIаде цIакъго дагьаб хайир бачIунедухъ цIунулеб букIин, гьедин гьелъ билълъанхъизабулеб букIанин банкалъе кутакалда хIинкъи цIикIкIараб политикайин багьана бачунеб буго Центробанкалъ.

22 марта 2015

Алкоголалде данде вагIзабигун

Буйнакскиялъул аслияб мажгиталде хьвадулел гIадамазул цо къокъаялъ байбихьанин шагьаралъул тукабазде, баразде, рестораназде хьвадун гIаракъи-чагъир бичизе бегьуларин вагIзаби гьаризеян бицана ЭР-ялъе гьеб мажгиталъул имам ГIабдукаримица.

21 марта 2015

Кьолищ кьолораб чу цо магIнаяб кочIохъ жакъа?

21 март дунялалдаго кIодо гьабула поэзиялъул къо хIисабалда. Гьеб къоялъги, тIубараб лъагIалицагоги Дагъистаналда тIоритIизе руго адабияталда хурхарал тадбирал. Кинабха бугеб Дагъистаналъул жакъасеб поэзия? Кьолищ жакъа магIарухъ кьолораб чу цо магIнаяб кочIохъ? Рорхулищ поэтаз унголъунги халкъалъе хIажатал суалал?

19 марта 2015

Новолак мухъ тIубанго гуро гочинабулеб

18 марталда Новолак мухъалда гIадамал данделъун рукIана жал гьениса гочинариялъул суал дандбазе. МахIачхъалаялде аскIоре гьел гочун лъугIизе ккола 2018 соналда. Гьеб заманалдехун жидее кьезе кколебщинаб рецIалил гIарац бецIун лъугIизабизе бугебищин пачалихъалъ, гьединго Новолак мухъалда цIар ГIавухъиланищин лъезе бугеб абурал суалал рукIана гьез гьоркьор лъун.

17 марта 2015

Семендералъул мажгиталдаса гIадамал ккуна полициялъ

ЭР-ялъухъе щварал баяназда рекъон, 17 марталда МахIачхъалаялда аскIоб бугеб Семендералъул мажгиталдаса полициялде вачун ун вуго анцIидаса цIикIкIун чи, кватIичIого нахъеги риччан руго.

17 марта 2015

Прокуратура: МахIачхъалаялъул лицеялда бикъун буго 900 млн. гъурущ

Дагъистаналда тIатIинаруна лицеялда цIалулел лъималазе кваниеги гьенир хIалтIулел мугIалимзабазе премиязеги биччараб 900 миллион гъурущ бикъарал чагIи. Лицеялъул нухмалъулейги малъун ункъо чи вуго гьезул. Прокуратураялъ диваналде ритIун руго гьезда хурхун гьарурал цIех-рехалъул хIасилал.

14 марта 2015

Синхроналдалъун театр хвасарлъулищ?

Авартеатралда ракIалда буго спектаклазе синхронияб таржама гьабизе. Гьеб ккола магIарул мацI лъикI лъаларел, яги батIиял миллаталъул чагIазе спектакль гIурус мацIалде буссинарулеб къагIида. Миллатал гIемераб Дагъистаналда гьеб кутакалда лъикIаб пикру кколин абулеб буго цо-цояз. Амма гIицIго гьелдалъун цIикIкIунарин театралдехун кIварилан рикIкIунеб буго цогидаз. Театралде гIадамал рачIунила мацI лъикI лъалеб букIиналъ гурел, театр бокьулеб букIиналъ. Гьединго киналго спектаклазул гурила таржама гьабун бажарулеб.

13 марта 2015

С. ГIумаханов: Цебе гьабизе кIвечIеб гьанже бецIизейин рахъун руго

Дагъистаналъул Хасавюрт шагьаралъул мэр разияв гьечIо гьев чIвазе къасд гьабулел рукIаралин диванаханаялъ чIезабурал кIиго чачанасе къотIараб хIукмуялда. Гьезие кьун руго туснахъалъул 9 ва 12 сонал. Сайгидпаша ГIумаханов гьеб диванаханаялде унги вукIун гьечIо. Араб соналъул марталда жанир тIамурал гьезда хурхун диван рагIалде бахъана гьал къоязда Хасавюрталда. Гьединго, гьеб ишалъулъ гIахьаллъи бугевин абун рехсолеб буго, федералияб цIех-рехалда вугев Чачанлъиялъул бетIер Рамзан Къадировасул гIакълучиясул цIарги.

12 марта 2015

ХъулухъчагIазе харжал дагьлъизаризе рес буго

Дагъистаналъул хъулухъчагIазул харжал тIаса къотIизе, Шамил имамасул наиб ХIажимурадил гвангвара Петербургалъул кунсткамераялдаса нахъе тIалаб гьабизеги ва рищиязул бюллетеназда хиса-басиял гьаризе абурал ва цоги суалал рорхулел рукIана 12 марталда МахIачхъалаялда тIобитIараб Дагъистаналуъл Халкъияб Мажлисалъул иргадулаб сессиялда.

10 марта 2015

Депутат Худяковасда кьабуралъухъ кьун руго 8-9 сонал

10 марталда Москваялъул Дорогомиловский диваналъ хIукму къотIана ункъго дагъистаниясе – туснахъалъул микьго ва ичIгогун бащад сонал. Гьезда тIад чIезабуна кIиго соналъ цеве Москваялда Пачалихъияб Думаялъул депутат Худяков вухиялъулги кафеялда хIалтIулей гIаданалъухъа гIарац тIалаб гьабулеб букIиналъулги гIайибал. Щай гьезие кьурал чи чIварав чиясе кьолелгIан сонал?

Немцов чIваялда щаклъи бугезул лъабгоял Москваялда диванханаялда. 8 март 2015

09 марта 2015

Абакаров: Исламалъе гIоло чIвалевани, Немцов гурел, цогидал чIвалаан

Россиялъул оппозиционияв политик Борис Немцовасул гьалмагъ Илья Яшиница абуна оппозиционияв политик радикалиял бусурбабаз чIванин абураб гьадингосеб чIанда бугин ва Кремлалъул политикияб тIадкъаялда рекъон гьабулеб иш бугин. ЦIех-рехчагIазул гьеб официалияб версия тIадтаразе кутакалда дандеккола ва гьединго «бичIчIине ккола гьелъ Путинида кинаб букIаниги щаклъидул рагIадцин рехизе толеб гьечIолъи»,-ян хъвалеб буго Яшиница Facebookалда. Немцов чIван вукIана 27 февралалъул къаси кватIараб гIужалда Кремлалдаса рикIкIад гьечIеб бакIалда.

07 марта 2015

ЦIоралъул гIадамаз кумек гьарулеб буго

ЦIоралда ругел магIарулаз ритIун рачIарал кагътазда ахIи балеб буго жидее кумек гьабейин миллияб хаслъи цIунизе. Гьез хъвалеб буго жидее Азербайжаналъул тIалъиялъ рес кьолеб гьечIин школазда рахьдал мацI малъизе, ЦIоралде риччалел гьечIин рахьдал мацIалъул цIалул тIахьал, жидее кумек гьабейин миллияб театр гIуцIизе.

06 марта 2015