Радио Эркенаб Европа Эркенлъи Радиоялъул мухбирал ругел регионаздаса суратал.
Къойил суратал
1
Иранияй Зейнабица Лондоналда бугеб Ираналъул вакиллъиялда аскIоб жиндирго килщида бахараб щакъи бихьизабулеб буго жинца гьаракь кьун букIиналъе далил хIисабалда. (Reuters)
2
Македониялда ругел турказ миллиял байрахъалгун кодор Туркиялъул премьер-министр Ражаб ТIайгьи Эрдогъание жидерго квербакъи бихьизабулеб буго Скопья шагьаралда гIуцIараб митингалда. (AFP)
4
Казахстаналъул Шималияб Астанаялъул базаралда найихъанас гьоцIо бичулеб буго. (Reuters)
5
Америкалъул Колорадо штаталда цIа ккеялъул хIасилалда 360 рукъ бухIун буго. 40 000 чи рукъзал тун къватIивехун ана. КIиго чи гIумруялдаса ватIалъана гьеб балагьалъул хIасилалда. (Reuters)
6
Киевалъул ахикь бугеб декорациялъул тIогьалда тIад рештIараб хIинчI. (AFP)
7
Бакуялда бугеб Азербажаналъул президент ХIайдар ГIалиевасул музей. (AFP)
8
Адольф Гитлерил гIагарав кумекчилъун вукIарав Альфред Розенбергил квералъ хъвараб даптар цебе лъун букIана Америкалъул Делавер штаталъул Уилмингтон шагьаралда тIобитIараб пресс-конференциялда. 400 тIамач бугеб гьеб «Розенбергил даптар» камураблъун рикIкIулаан Нюрембергил процессалдаса нахъе 1946 соналда. Ахир-къад гьеб даптар батун буго исана 5 апрелалда Нью-Йоркалда аскIоб бугеб Льюистон абулеб гьитIинаб шагьаралда. (AFP)
9
Сириялъул Маарет аль-Нуман шагьаралда басрияб туманкгун кодоб къеркьохъаназе кумек гьабизе бокьулев вас. (AFP)
10
ЖугьутI миллаталъул гIадамаз кIодо гьабулеб бугоШнейерсонил библиотека ЖугьутIазул музеялъе кьей. Гьеб библиотекаялъул архивалда бан халатаб дагIба-къец букIана Америкаялда ва Россиялда гьоркьоб. (AFP)
11
Санкт-Петербургалда букIараб оппозициялъул протесталъул митингалда. (Reuters)