Бергьенлъиялъул Къо батlи-батlиял улкабазда

Совет Союзалде гъорлъе унел рукIарал гIемерал улкабаз кIодо гьабуна нацистазул Алманиялда тIад бергьенлъи босаралдаса 69 сон тIубаялъул байрам. Рагъда хварал ракIалде щвезариялъул ва чIаго ругел ветераназул хIурмат гьабиялъул киса-кирего тIоритIарал гьел тадбиразда гIахьаллъана ветераналги, хIукуматазул хъулухъчагIиги, диниял церехъабиги, гIадатиял гIадамалги.