Дунял цифрабаздагун суратаздалъун
1
БетIер къачIаялъул 28 тайпа гурони хIалтIизабизе изну кьолеб гьечIо пачалихъалъ Шималияб Кореялда.
2
Россиялъул территориялъул 75 процент буго Азиялда. Амма гьелдаго цадахъ Азиялъул рахъалда гIадамазул 22 проценталъ гурони гIумру гьабун гьечIо.
3
18 видеокамера букIун буго Борис Немцов чIвараб бакIалда сверухъ. Амма гьанжеги гьел камерабаз бахъараб цогIаги видео къватIиб чIвазабун гьечIо.
4
Цебеккунисеб хIисабалда рекъон, 2050 соналде дунялалда гIумру гьабизе буго 9 миллиард чияс. Гьезул 40 проценталъул букIине гьечIо гьекъолеб лъин босулеб даимаб бакI. Гьанже дунялалда гIумру гьабун буго 7 миллиард чияс.
5
1/3: Швециялъул къираллъиялъул хасаб хъулухъалъул пикруялда, Россиялъул дипломатазул бищун дагь босун лъабго бутIаялдаса цо бутIа кколел руго Россиялъул хасал хъулухъазул хIалтIухъаби.
6
2014 соналъул январалдаса гIицIго Москваялда 7 чиясе тамихI гьабун буго пачалихъалъе хияналъи гьабиялъул гIайибги гIунтIизабун.
7
Дунялалъул тIоцебесеб рагъ унеб мехалда ГIусманияб империялъ армяназул депортация гьабийги гIемер чи чIвайги геноцидлъун рикIкIунеб буго дунялалъул 22 пачалихъалъ.
8
Крым Украиналъул ракь букIин къабул гьабулеб Цолъарал миллатазул гIуцIиялъул резолюция данде араб соналда кьун буго гьаракь дунялалъул халкъалъул 4,5 проценталъ гIумру гьабулеб 11 пачалихъалъ.
9
Пакистаналда 40 миллионов чиясул рес рагIуларо туалетаздаса пайда босизе.
10
Wikileaks сайт гьабурав Джулиан Ассанжица 997 къо бахъун буго Лондоналда бугеб Эквадоралъул вакиллъиялда. Гьенив гьев чIун вуго сексуалияб кьучIвалда Швециялда такъсир гьабиялъе гIоло улкаялде экстрадиция гьабиялдаса хIинкъун.
