Ашахан Юсупов

Автор Ашахан Юсупов

• 08 сентября 2014

  «Дий щибго кIваричIо гIагараб тIалъи, дуца лъураб тIагъур буго дида тIад».

  Дагъистаналда унел руго кIудияв шагIир ХIамзатил Расул гьавураб къоялда хурхун тIоритIулел ХъахIал къункърабазул къоял абурал халкъазда гьоркьосеб фестиваль. Юбилеялъул аслиял дандеруссинал рукIана итни къоялъ МахIачхъалаялда. ИчIабилеб сентябралда гьел халат рахъине руго Гъунибгун ЦIада росулъ ва гьединго Буйнакск ва Дербент шагьаралдаги.

• 05 сентября 2014

  Россия кваназабизе кIолищ Дагъистаналда?

  «ГIела Кавказ кваназабураб» абураб хитIабаздалъун Россиялъул миллатчагIаз гIужие босун букIараб Шималияб Кавказалдехун жакъа Россия батIияб бералъ балагьизе байбихьун буго. Гьелъие квербакъана Украинаялда ккарал лъугьа-бахъиназ.

• 01 сентября 2014

  Басриял суалалгун цlияб цlалул соналде

  Дагъистналда исана тIоцебесеб классалде ине буго 36 азарго лъимер. Араб соналде дандеккун гьезул къадар цIикIкIун буго лъабазаргоялдаса ункъазаргоялде щвезегIан чияс. Кинабниги жакъа республикаялъул школазда цIализе буго 360 азаргоялдаса цIикIкIун лъимер. Амма цебегогIадин республикаялда гIолел гьечIо гьезие школаби ва ругезулги гIемерисел данде кколел гьечIо рукIине кколел стандартазде.

• 28 августа 2014

  Босулеб буго ярагъ, гьитIинабги кIудиябги...

  Къануналде данде кколаредухъ гIадамазухъ бугеб ярагъ босиялъул кампания лъазабун букIана Дагъистаналъул нухмалъиялъ 10 июналда. Гьеб программаялда рекъон, Гумбет мухъалда тIобитIулел рагIула цо-цо тадбирал.

• 18 августа 2014

  Аэропорт хIалтIизе гьечIо моцIалъ

  АнцIила ичIабилеб августалдаса байбихьун къоло ункъабилеб сентябралде щвезегIан дагь гьаризе руго дагъистаналъул аэропорталдаса гьарулел рорженал, гьелдаса хадуб абуни цо моцIрол болжалда чIезе тезе руго аэропорталъул хIалтIи.

• 14 августа 2014

  Кибе щун бугеб вацал ХIамзатовал чIваялда сверун процесс?

  Дагъистаналда халат бахъунеб буго Гъизляралдаса бизнесчагIи, вацал ХIамзатовал чIваялде сверухъ унеб диваналъул процесс. Иргадулаб диваналъул данделъи тIобитIизе буго сентябралъул кIиабилеб къоялъ.

• 11 августа 2014

  Рихьундерил лъимал исана цlаличlого хутlизе бегьула

  Исана сентябралда жидеца лъимал школазде ритIизе гьечIин ГЭС балаго гъанкъизарулал жидер ракьазухъ кколеб гIарац жидее кьечIониян абураб магIанаялъул рагьарал кагъатал хъван рукIана Унсоколо мухъалъул Рихьуниб росдал жамагlаталъ Дагъистаналъул нухмалъулев ГIабдулатIипов Рамазанихъе, мугlрузул мухъазда вугев гьесул вакил Зайнулгlабидов Мухlамадихъе ва цоги хlакимзабахъе. Нижехъе щварал баяназда рекъон, августалъул авалалда хъвараб гьеб кагътие жеги жаваб щун гьечIо гьезухъе.

• 08 августа 2014

  25 миллиард гъурщиде хъахIилаб цIатари лъица бухIараб?

  Гьал къоязда Дагъистаналъул хIукуматалъул минаялда тIобитIана республикаялъ хъахIилаб цIатариялъухъ кьезе кколеб налъуда тIасан данделъи. 2014 июль моцIалде налъул гIаммаб къадар бахун буго 25 миллиардалде. Налъи бецIичIони Дагъистаналда цIиял газ кьолел мухъал хIалтIизе риччазе гьечIин жидецаян лъазабулеб буго «Газпромежрегионгаз» гIуцIиялъ.

• 06 августа 2014

  Гъизилюрт шагьаралда юрист викъун вуго

  Гъизилюрт шагьаралда викъун арав юрист Жаватханов Денгал хIакъалъулъ жеги щибниги лъалеб гьечIо. Гьев викъун ана ункъабилеб агусталда. ГIага-божаразул пикруялда гьеб букIине бегьула гьесул хъулухъалъулаб хIаракатчилъи сабаблъун гьабураб иш. Гьединго гьезул щаклъи буго низам цIунулез гьабураб хIалтIи гьеб букIиналдаги.

• 31 июля 2014

  МугIалимзаби жидерго харж гьариялде ккезарун руго

  Дагъистаналъул Лаваша мухъалъул мугIалимзабазе щун буго чанго моцIалъ кьолеб букIинчIеб гIарац. Гьеб ккола гьезул аслияб харжалда тIаде кьолеб, пуланаб классалъе нухмалъи гьабуралъухъ кьолеб азарго гъурущ. Гьеб гIарац кьолеб гьечIилан Дагъистаналъул цогидал мухъазда ругел мугIалимзабзул цебеги букIана гIарз. ГьабсагIат кинаб ахIвал-хIал бугеб гьеб суалалда сверухъали лъазе гьабуна нижеца.

• 25 июля 2014

  Хирияб къоялде хиралъулел багьаби

  КIудиял байрамазда цебе европаялъул цо-цо улкабазда гIадатияб куцалда учуз гьабула къвай-цIаги кванил нигIматалги, амма Дагъистаналъе гIадатияб буго байрамазда цебе кванил нигIматазул багьаби хиралъизари. Бугищха исанаги гьеб рахъалъ хисараб жо?

• 24 июля 2014

  Дагъистаналде ахIизе бегьула гIурус мацIалъул мугIалимзаби

  Дагъистаналде ахIизе рес буго гIурус мацIалъул мугIалимзаби. Гьедин абуна гьал къоязда Дагъистаналъул нухмалъулев ГIабдулатIипов Рамазаница ва гьелъие гIиллалъун рехсана республикаялда гьединал мугIалимзабазул махащалил даража нахъе ккун букIин. Гьеб баянлъун буго Пачалихъияб цогояб экзамен кьолеб мехалда. Амма республикаялъул лъай кьеялъул идарабазул хIалтIухъабазе киназего гуреб гьеб хIукму рекIее гIолеб бугеб.

• 23 июля 2014

  Дагьлъун бугищ Дагъистаналда чIвалел полициязул къадар?

  2014 соналъул ихдалил лъабго моцIида жанив Шималияб Кавказалда чIварал полициялъул хIалтIухъабазул къадар гIемерго дагьлъун буго. Гьединаб баян кьуна гьал къоязда инсанасул ихтиярал цIунулеб «Мемориал» гIуцIиялъ. Гьелъие гIиллалъунги инсанасул ихтиярал цIунулез рикIкIунеб буго Дагъистаналда ругел радикалияб пикруялъул гIолохъаби Сириялда ва ГIиракъалда ругел рагъулал тунка-гIусиязулъ гIахьаллъизе ин.

• 18 июля 2014

  Рукъ бакъараб садакъа

  Дагъистаналде лъутун рачIарал Украинаялъул гIадамазе материалияб кумек хIисабалда 5 миллион гъурущ бакIарун буго республикаялда. Гьеб гIарац бакIаризелъун гIуцIараб хасаб фонд рагьун буго республикаялъул хIукуматалда цебе. Амма гIемерисел дагъистаниял байбихьудаго рази рукIинчIо гьел гIадамал республикаялде къабул гьариялдаса. Украинаялъулаздаса кумек цIикIкIун хIажатал гIадамал республикаялда гIемерал ругин абулеб буго гьез.

• 17 июля 2014

  Шагьранухазул къурбанал щибаб лъагIалида гIемерлъулел руго

  16 июлалда сардилъ кIиго кIудияб автоавариялъул хIасилалда анлъго чи хвана Дагъистаналда. Хъумторхъала мухъалъул Алмало росдада аскIоб лъабго автомобиль цоцалъ речIчIун ункъо чи къадаралде щвана. Хваразда гьоркьоб буго кIиго лъимерги. Гьебго заманалда Леваши мухъалда Мерседес маркаялъул автомобиль речIчIана кIудияб юк баччулеб автомобилалда хвана кIиго чи.

• 17 июля 2014

  Сасикьдерил лъималазул лагерь щай къараб?

  Дагъистаналъул прокуратураялъ нахъойги гIужие босун буго Хасавюрт мухъалъул ЦIиябсасикь росу. Гьаб нухалъ прокуратураялъ къазе хIукму гьабуна лъималаз хIухьбахъулеб лагерь. Гьенир чанги гIунгутIаби ратун руго къанун цIунулезда. Амма лагералъул нухмалъиялъ лъазабулеб буго лагерь тIубанго къан гьечIин, кIиго моцIрол болжазда гьоркьоб къотIизабун бугин гьелъул хIаракатчилъи ва киналго гIунгутIабиги лъугIизарун лагерь цIидасан хIалтIизе биччазе бугилан.

• 14 июля 2014

  Краснодар шагьаралда чIвана Дагъистаналдаса спортсмен

  13 июлалъул сардилъ Краснодар шагьаралда чIван вуго Дагъистаналдаса спортсмен ХIажимухIамадов Расул. Гъалгъаязул республикаялдаса чанго гIолохъанчигун ккараб рагъулаб тунка-гIусиялъул хIасилалда данде рукIаразул цояс нус кьабун буго гьесда. ХIажимухIамадов гIемер заман иналде гьеб бакIалдаго къадаралде щун вуго. Гьесда ругъун лъурал гIолохъаби тIурун ун жеги кодоре щун гьечIо.

• 12 июля 2014

  Аспирантура нахъе бахъизе бегьула

  ГIагараб заманалда Россиялъул тIадегIанал цIалул идараби махIрумлъизе бегьула аспирантура ва магистратура гIадал бутIабаздаса. Гьединаб лъазаби гьабуна гьал къоязда Россиялъул лъай кьеялъул министр Дмитрий Ливановас. Щиб бугеб гьел хиса-басиязда нахъа ва кинаб хIасилалде рачIине бегьулел гьеб киналдасаго хадуб улкаялъул тIадегIанал цIалул идараби?

• 09 июля 2014

  СагIид ГIамировасе кьуна туснахъалъул 10 сон

  МахIачхъалаялъул вукIарав нухмалъулев СагIид Амировасда тIад гьабулеб диван рагIалде бахъана. АрбагI къоялъ Ростов шагьаралъул рагъулаб диванханаялъ гьесие хIукму къотIана 10 соналъ эркенлъиялдаса махIрум гьавизе. Гьесул вацасул вас Джапаров Юсупие кьуна микьго сон. Прокурорас гьезие тIалаб гьабулеб букIана 13 ва 11 сон туснахъалъул. Нижер мухбир Юсупов Ашаханица цIех-рех гьабуна диваналъул хIукмуялда тIасан цо-цо дагъистаниязул пикраби кинал ругелали.

• 05 июля 2014

  ТIокIал Дагъистаналде рачIинаро

  Дагъистаналда хIалтIулеб «Альтернатива» абураб къукъаялъ гьал къоязда хвасар гьавуна кирпич къотIулел заводазда лъагъзал хIисабалда хIалтIулел рукIарал анкьго чи. Анлъго бихьинчиги цо чIужугIаданги. ЧIужугIадан ккола Украинаялдаса, хутIарал Россиялъул батIи-батIиял шагьаразда гIумру гьабун рукIарал чагIи.

Загрузить еще