МахIмудова ПатIимат

26 апреля 2016

«ТIалъиялъ критика хIехьечIогойилан, дун хъулухъалдаса кивениги ине кколаро»

Анкьица цебе букIараб Дагъистаналъул жамгIиял гIуцIабазул данделъиялдаса хадуб республикаялъул тIалъи жиндиде дандечIун бугин лъазабулеб буго жамагIатчи Хадулаев Шамилица.

25 апреля 2016

Р. ГIадилгереев: «Полициялъул бутIаялда чи чIвай гьанже такъсир кколеб рагIуларо»

КIиго соналъ цеве Нугъай мухъалъул жанисел ишазул бутIаялда жанив полициялъул подполковник Сайпулакъади Жамалудиновас гъванщилъ таманчаги речIчIун чIван вукIана 22 сон барав Эрадил Асанов.

23 апреля 2016

НекIсияб Нарын-Хъалаялда аскIобехун балеб рагIула цIияб кIалгIа

Дербенталда цIидаса багъарана гъалмагъир шагьаралъул бутIруздаги журналистаздаги гьоркьоб Нарын-Хъалаялда аскIоб балеб объект сабаблъун.

22 апреля 2016

Элла Панфиловалъ рацIцIадал рищиязде хьулал рижизарулел руго

Гьанже Элла Панфиловалъ нухмалъулеб Централияб рищиязул комиссиялъул тIалабалда рекъон, регионалияб рищиязул комиссиялъ нахъе рахъана Москваялъул хьибилалда бугеб Барвихаялъул рищиял. Гьелъие гIиллалъун лъугьана цебеккун гьаркьал кьолеб мехалда Алексей Навальныясул пишацояз тIатIинарурал гIунгутIиял. Гьеб хIужаялдаса хадуб ракканищ нужер Россиялда ва жибго Дагъистаналда ритIухъал ва эркенал рищиял тIоритIизе бегьиялъул хьулал?

21 апреля 2016

Джули росдаде тIадекIанцIана жал щалали лъаларел

20 апрелалъул сардилъ Табасаран мухъалъул Джули росдаде тIадекIанцIи гьабун буго щалали лъаларел яргъидгIуцIарал гIадамаз.

20 апреля 2016

Насрудиновасе тамихI диваналъ къотIизе буго 22 апрелалда

20 апрелалда Дагъистаналъул хIукуматалъул вице-премьерлъун вукIарав МухIамадхIусен Насрудиновас республикаялъул тIадегIанаб диваналда ахирисеб кIалъай гьабуна. КIиго сагIатлъун бащадалъ халат бахъараб гьеб кIалъаялда гьес диваналде хитIаб гьабуна Дагъистаналъул букIинеселъе гIоло ритIухъаб хIукму къотIейилан.

19 апреля 2016

ХIакъикъат бакьулъегIан батила...

Азербайджаналда Дагъистаналъул вакил хисулев Бабаев Видади хъулухъалдаса нахъе вахъейилан тIалаб гьабулеб буго республикаялъул прокуратураялъ. Бабаев Дербенталъул мажлисалъул депутатги кколила Россиялъул къануналда рекъон муниципалиял депутатал пачалихъиял хъулухъазда рукIине бегьуларин лъазабулеб буго гьеб идараялъ.

18 апреля 2016

ГIорхъаби цIунулез ишаналде росун руго Главсулахъалъул гIадамал

МахIачхъалаялдаса гIемер рикIкIада гьечIеб Сулахъ росу бокьараб ччугIаги, гьелъул нигIматалги росизе бегьулеб бакI хIисабалда лъала гIадамазда.

16 апреля 2016

Адвокатас лъазабулеб буго жинца цIунулесухъе туснахъалде виччалев гьечIин

МахIачхъалаялдаса бизнесчи ХIажиев МухIамад низам цIунулез исана марталъул ахиралда ккуна. Гьесул рокъореги рачIун чIухь балаго гьениб экстремистияб литература батанилан лъазабун букIана гьез.

Dagestan--Magomednabi Magomedov, imam of Hkasavyurt mosque

15 апреля 2016

Имам МухIамаднаби туснахъалда вухун вуго

Чанго такъсиргьабиялъул гIайибги гIунтIизабун туснахъ гьавун вугев Хасавюрталъул салафиязулин рикIкIунеб «восточная» мажгиталъул имам МухIамадов МухIамаднаби МахIачхъалаялъул туснахъалда вухун вугин, гьев хIакъир гьавулев вукIун вугин туснахъалъул хIалтIухъабазилан лъазабулеб буго имамасул адвокат МухIамадов Салимица. Гьесул рагIабазда рекъон МухIамадовасе гIакъуба кьолеб куц видеокамераялдегицин бахъун буго.

14 апреля 2016

Сордо-къоялда жаниб Дагъистаналда ункъго чи чIван вуго

Ахирисеб сордо-къоялда жаниб Дагъистаналъул къуваталъул идарабаз изну гьечIого яргъидгIуцIаразул ункъго чи чIван вуго.

13 апреля 2016

«КIибетIераб» Буйнахъск

Буйнахъскалъул бетIерасул хъулухъалъе гIоло къеркьей гьереси документаздасаги, цин цояб рахъалде хадуб цойгидаб рахъалде кIанцIулел депутатаздасаги, журналисталги жанире риччачIого бахча-хьван тIоритIулел мэрасул рищияздасаги гьанже диваналъул залалде щун бугин абизе бегьула.

12 апреля 2016